हीरक भस्म

सुमृतं हीरकं हद्‍यं परमं षड्रसान्वितम्‌ ।
योगवाहि मतञ्चैत्सर्वौत्कृष्टं रसायनम्‌ ॥
राजयक्ष्मप्रशमनं मेहमेदोविनाशनम्‌ ।
पाण्डुशोथोदरहरं तथा क्लैब्यहरं परम्‌ ॥

वृष्यं महायुष्यमतीव नेत्र्यं बल्यं त्रिदोषघ्नमतीव वर्ण्यम्‌ ।
मेध्यं विशेषात्‌ विविधामयघ्नं सुधोपमं स्यात्सुमृतं तु हीरकम्‌ ॥

(रसतरंगिणी २३ / २५-२६-२७ )

मृत हीरकस्य मात्रा

रक्तिकाया नेत्रगुणभागतस्तु कलांशकम्‌ ।
मृतं हीरं प्रयुञ्जीत बलकालाद्यपेक्षया ॥
= १/२२ ते १/१६ रत्ती

हीरकस्य मात्रा निर्माण प्रकारः

रक्तिकैकमितं हीरं रम्ये खल्वे विनिक्षिपेत्‌ ।
मेलयेद्रससिन्दूरं चतुर्माषकसंमितम्‌ ॥
सम्पेष्य त्वतियत्नेन रसतन्त्रविचक्षणः ।
गुञैकतः समारभ्य द्विगुञ्ज विनियोजयेत्‌ ॥

{ १ रत्ती हीरक भस्म + ४ माष रससिन्दूर } = { रसहीरक }
रसहीरक मात्रा = १ ते २ रत्ती

मृतहीरकस्य आमयिकः प्रयोगः

हीरकं रससिन्दूरयुतं सन्तानिकान्वितम्‌ ।
निषेवितं निहन्त्याशु ध्वजभंगं सुदारुणम्‌ ॥
हीरकं सहिरण्यन्तु रससिन्दूरसंयुतम्‌ ।
विनिहन्त्यचिरादेव राजयक्ष्माणामुल्बणम्‌ ॥
मकरध्वजसंयुक्तं हीरकं परिशीलितम्‌ ।
नाशयत्यचिरादेव क्लैब्यरोगान्‌ विशेषतः ॥

रसहीरक + सन्तानिका (मलई = साय) २१ दिन सुदारुण ध्वजभंग
रसहीरक + स्वर्णभस्म २१ दिन चिरकारी उल्बण राजयक्ष्मा
ररहीरक + मकरध्वज २१ दिन चिरकारी क्लैब्य